دليلك لحياه خاليه من المضاعفات.. السكري النوع الثاني الغير معتمد علي الأنسولين

دليلك لحياه خاليه من المضاعفات.. السكري النوع الثاني الغير معتمد علي الأنسولين

دليلك لحياه خاليه من المضاعفات.. لسكري النوع الثاني الغير معتمدين علي انسولين

دليلك لحياه خاليه من المضاعفات.. السكري النوع الثاني الغير معتمد علي الأنسولين

دليلك لحياه خاليه من المضاعفات.. لسكري النوع الثاني الغير معتمدين علي انسولين

◙ النصيحه الأولي ◙

مهم جدا ان نفهم ان معظمنا كان سكري قبل التشخيص بفتره ..لن نبالغ لو قلنا سنين وبعض المحاضرات بتقول 3-5 سنين كنا اما سكريين بالفعل او ماقبل السكري والحالتين معناهم مستويات سكر اعلي من الطبيعي وبالتالي بالفعل بيكون عندنا تاثير علي بعض اعضاء الجسم او كلها حسب الحاله

وقت التشخيص لازم تحاليل عامه كامله وفحص للشبكيه وعلي الاعصاب الطرفيه

و نتابع بعد كده نصف سنوي ماعدا التركمي كل ثلاث شهور والشبكيه او فحص قاع العين سنوي مالم تكن هناك مشكله طبيه تستدعي مده اقل بين التحاليل .

دلوقتي لوعندنا مشاكل في الشبكيه خصوصا ..وبدانا زبط سكرنا ..يفضل النزول بمستويات السكر تدريجيا للاسف ..لانه النزول المفاجئ بيضر بالشبكيه ..يعني لو كنا 400 و 300 ننزل بالتدريج الي مدي ال 200 في اول ايام ثم بعدها الي ال 180 ثم ال 150 ثم مدي الطبيعي لا نزيد عن 120..كل مرحله لا تتعدي يومين

لو في التهاب اعصاب (قابل انه يتعكس او يشفي ) بالفعل اتشخص ..مع بدايه الزبط ممكن نحس بالاعراض او الآلام بتزيد بس فعليا دي مرحله مؤقته وتعني بدايه الشفاء ان شاء الله
مضاعفات السكر كلها مالم تقتل عضو او عصب او شريان مغذي ..كلها ممكن تنعكس بزبط السكر تفائلوا وحفزوا نفسكم لعمل الصح

◙ النصيحه الثانيه ◙
بخصوص الاكل وايه مفيد وايه منظم وايه مخفض وايه معالج و و و ....

نتفق بس علي حاجه

♦ اي اكل فيه كاربوهيدرات هيرفع السكر علي قد مقدار الكاربوهيدرات اللي فيه ..كلها
بس ده يختلف من شخص لاخر في الرفع قد ايه ..حسب انت سكري نوع ايه ..بتاخد دوا ايه ..كنت قبل الاكل كام ..كلت كميه قد ايه

بردو الاكل يرفعنا بسرعه ولا لأ..ده يعتمد علي طبيعه الكاربوهيدرات وطريقه الطهي بتاعت الوجبه .

مافيش كاربوهيدرات لا ترفع السكر ..مستحيل..مستحيل ..مستحيل

مافيش حاجه اسمها عصير دايت يبقي مابيرفعش السكر ..مافيش حاجه اسمها انه معلهوش اضافه سكر يبقي مش هيرفع السكر ..

اللبن كامل الدسم وقليل الدسم ومنزوع الدسم ...كلهم فيهم نفس مقدار الكاربوهيدرات ..مش اللبن اللي تدور تقلل فيه علي الدسم ..روح امنع المقلي والمحمر في زيوت مهدرجه والدهون الضاره بجد

♦ مافيش اكل مخفض للسكر ..في اكل علشان هضمه بطئ بيكون ارتفاع ما بعد الوجبه مباشره اقل ..ده فايدته ..هتقولي في دراسات اكدت ده ..هقولك دراسات مضلله لانها بتديك نسب السكر التراكمي وعلي ناس سكري نوع تاني في اغلب الاحيان ..وايوه ..ارتفاع ما بعد الاكل لو تفاديناه مع كل وجبه يبقي اكيد السكر التراكمي هيقل ..لكن تحليل الساعتين بعد الاكل لا يتاثر في اغلب الاحوال ..واكيد لو سكرنا عالي قبل الاكله دي مش هينخفض بعدها لمجرد اكلها ..

اي عيش معمول بدقيق ابيض بالطرق العاديه ..بيرفع السكر ..حتي لو اتضاف عليه رده وسميناه سن او اسمر او او ...بيرفع السكر ..الفرق في السرعه في الهضم فقط وبالتالي سرعه رفع السكر ...

♦ كميه اكلك اللي زبطت سكرك لا تقترحها لاحد ..في السكري ..كل شخص فريد واحتياجه مختلف

♦ الاكل المذكور فائدته في القرءان والسنه ...مش معني ان بنقول قلله او بحساب نبقي كافرين او قليلي الايمان ..انت سكري ماينفعش تاكل تمر وعسل وتين بدون حساب ..ايوه مفيدين بس مضرين لسكرك ..التوكل علي الله يكون بعمل الصح ليك مش التواكل بالتطبيق بدون فهم ولا مراعاه لحالتك الصحيه ..

♦ الاعشاب ..قليل منها الموثق بدراسات معروفه ومقننه وبكميات مدروسه ومدد استخدام محدده و ينعدم اثرها مع سكري النوع الاول ..

♦الشخص السكري ماهي اولوياته في تقييم الاكل قبل اكل الوجبه ؟

حساب الكاربوهيدرات اول خطوه صحيحه لانها هي اللي بندي علي اساسها جرعه الانسولين ...

المؤشر الجلايسمي ثابت لصنف الطعام الواحد لانه مقارنه لسرعه رفعه لسكر الدم مقارنه بالسكر ومراجع اخري مقارنه بالخبز الابيض ..بالتالي كلما كان مرتفع وقريب من مؤشر السكر او الخبز الابيض كان هذا الصنف شديد السرعه في رفع سكر الدم لسهوله هضمه ..ورفع سكر الدم يتم في خلال دقائق وبمجرد ما نبدا عمليه المضغ ..لذلك تلك الفئه مثاليه لعلاج نوبات الهبوط مع ..ويتجنبها تماما سكري النوع الثاني لان عنده نقص في المرحله الاولي من انتاج الانسولين وبالتالي لن يقدر علي زبط للسكر معها ..اما سكري النوع الاول فعليه تجنبها ايضا لكن وان حدث وكانت في نطاق الوجبه فيمكن تفادي ارتفاع ما بعد الاكل مباشره في الساعه الاولي بتعديل وقت الانتظار بين الانسولين السريع (هيومالوج / ابيدرا / نوفورابيد ) وبين ميعاد بدء الوجبه

ثالث تعريف نهتم بيه هو الحمل الجلايسيمي ..وهو جمع بين كميه الوجبه ومؤشرها الجلايسيمي ..وبالتالي اختلاف الوزن يختلف بالحمل الجلايسيمي بشده ..لانه ببساطه هو سرعه رفع الكميه دي من الاكله دي لسكر دمك

يعني ممكن نفاجئ ان السكر مع انه مؤشر جلايسيمي مرتفع جدا الا ان معلقه شاي منه حملها بسيط او تاثيرها علس سكر الدم.بسيط ..ده بسبب الكميه

بقي ان نوضح ان المؤشر الجلايسيمي للصنف الواحد من الطعام يتاثر ويتغير تبعا لطريقه الطهي ومدي النضج

والمؤشر الجلايسيمي للوجبه يتغير بمحتواها من الالياف والدهون والبروتين

♦جرام الكاربوهيدرات الواحد بيرفع السكر للسكري البالغ

3 لو الوزن تقريبا 100 كيلو

4 لو الوزن تقريبا 75 كيلو

5 لو الوزن تقريبا 50 كيلو

تشعر بارتفاع السكر بنفس النسبه حسب نوع سكرك وادويتك

♦ الاطفال تختلف عن كده كتير لانها اكثر حساسيه للكاربوهيدرات

للاطفال وبصفه عامه للمعتمدي علي الانسولين بنوعيه القاعدي والسريع :

جرام الكاربوهيدرات الواحد بيرفع السكر بنسبه حاصل قسمه معامل التصحيح علي معامل الكاربوهيدرات

♦ ♦ جسدك امانه تسأل عنها يوم الدين ♦ ♦

بلاش تجري ورا نصائح مغشوشه واعلانات مشوهه للحقائق واعشاب مبهمه المصدر ..بلاش تهلك جسمك وصحتك ومالك واعصابك ...
زبط السكر قرار ودراسه ..ثقف نفسك جيدا ..تاخد القرار السليم

◙ النصيحه الثالثه ◙

◄ السكري وعلاقته بما نأكله :

♦ اي طعام حين نأكله و يتم هضمه يتحول إلي جلوكوز ويخرج من المعده لمجري الدم ليسري في الجسم إلي كل اعضاء الجسم..
الجلوكوز هو وقود و غذاء الخلية الرئيسي في جسمنا ..المكون الرئيسي في الأكل الذي يمدنا بالجلوكوز هو الكربوهيدرات أو إختصار نكتبها " كارب "
♦ الخليه ليس لديها القدره علي إدخال الجلوكوز لداخلها بمفردها.. الخليه تحتاج الانسولين لذلك بالإضافه إلي وجود مستقبلات "أبواب" علي جدار كل خليه .. الانسولين يفتح هذه البوابات ويدخل الجلوكوز ..
♦الكربوهيدرات هي المسئوله عن 90% من نسبه السكر في الدم بعد إتمام الهضم من ضمن كل العناصر اللي في الوجبه .
♦ الدهون والبروتين بعد إنتهاء هضمها تكون مسئوله عن مستويات السكر في الدم لكن بعد ساعات طويله من الأكل وحسب كميتها في الأكل ...ونحن كمرضي سكري يهمنا جدا ضبط تحليل بعد ساعتين من الأكل لأنه طالما كان أقل من 120 فهذا يضعنا في أرقام الاصحاء ويقينا من اتفاع نسبه حدوث الأمراض .

◄ سكري النوع الثاني:
يكون انتاج الانسولين قليل أو المستقبلات أو الأثنين معا
◄ حساب الأكل؟
الطريقه الأولي:

المقايضات/ البدائل /النقاط الغذائيه

حساب تقريبي وذلك بترجمه اصناف الطعام إلي نقاط أو مقايضات غذائيه ..النقطه تسوي 15 غرام من الكربوهيدرات ..تعتبر غير دقيق عند استخدمها مع المخبوزات /الفواكه /أنواع العيش /السوائل

موضح هنا في المقال

https://www.edart-alsukkary.com/2017/12/Food-Exchange.html

◄ كيفيه تطبيق حساب الأكل والاستفاده منه

مستخدمي الأقراص
♦ يترجم الوجبه تساوي كم نقطه أو غرام كربوهيدرات
♦ عندما يكون قبل الأكل 100-120 وبعد الأكل بساعتين لا يزيد عن 120 ..يكون عدد النقاط هذا مناسب جدا للوجبه في هذا التوقيت
♦ مستخدمي الأقراص يعني سكر نوع ثاني = وجود لمقاومه عمل الانسولين ..يكون ظاهر أكثر شيء أول ما نستيقظ من النوم وأوقات الفجر أحياناً ..لذلك ينصح معظمنا ان وجبه الإفطار تكون أقل عدد من النقاط ونبعد فيها عن الكربوهدرات سريع الهضم والكافيين
♦ لو حدث أن نفس عدد النقاط ضبط في مره والأخرى لا ..يكون العيب في طبيعه الكربوهيدرات في الوجبه ..يفضل أن يكون الإتجاه لكربوهيدرات متوسطه - بطيئه الهضم
♦ مستخدمي الأقراص ..ومتابعه السكر المنزليه اليوميه

صائمبعد الأكل بساعتن
قبل أي أكل وبعده بساعتين
قبل النوم
♦ خطه الدواء الأمثل هي البدأ بميتفورمين فقط + حميه عذائيه لتقليل الكربوهيدرات +إنتطام في الرياضه + إنقاص الوزن الزائد

الهدف من الميتفورمين أولا ضبط الصائم أقل من 110 مغ /دل
ثم مراقبه قبل الأكل يكون 80-110
ثم بعد الأكل لا يتعدي 120
لو قبل الأقل نكون في المدي المطلوب لكن بعده نكون أعلي من 120 = تقليل الكربوهيدرات في الوجبه
◄كيف اقسم العناصر الغذائبه في وجبتي ؟

جسمنا بيحتاج للطاقه اللي بنستمدها من السعرات الحراريه المأكوله او مايعرف بالكالوري

الكالوري مصادره هي الكارب والبروتين والدهون
كل واحد جرام من الكارب او البروتين يمدنا ب 4 كالوري
كل واحد جرام من الدهون يمدنا ب 9 كالوري
مهم جدا تحسب ليك كم سعر حراري يومي وتعيد تقسيمها بحيث :
← اقل جزء منها يكون من الكاربوهيدرات البطيئه الهضم و منخفضه الحمل الجلايسيمي و قليله الفركتوز او ما يساوي 10% من الكالوري اليومي مصدرها كاربوهيدرات
← مدخول بروتيني لا يتعدي 0.8-1 جم لكل كيلو جرام وزن لو الكلي سليمه ومستويات السكر منضبطه اي لو شخص وزنه 100 ك يكون مسموح له ب 80-100 جرام بروتين يوميا
← مدخول الدهون 70-75 %من الكالوري اليومي بشرط تبتعد عن الزيوت المهدرجه والمشبعه

الانواع الجيده :
زيت الزيتون - زيت البذور مثل السمسم و بذر الكتان - الزبد الطبيعي - المكسرات - جوز الهند -افوكادو

◄ طيب اعرف البروتين اللي باكله ده فيه كام جرام بروتين او دهون ازاي ؟

في الرابط الملحق بالمقال متوضح ده بالتقريب طلع في ورقه اكلاتك اللي متعود عليها وقدامها الحساب وراجع كده انت ماشي صح ام لا

◄ طيب انا بخس وتعبان ؟

في الاول بيكون في شعور بالغثيان مع اتباع حميه قليله الكارب عاليه الدهون لان مصدر الطاقه في الجسم اتغير والجسم بيتعامل مع المصدر ده بطرق هضم مختلفه
بتاخد عده ايام الي عده اسابيع ..كل شخص مختلف
فقد الوزن الزائد لا نقلق منه بل ممتاز وهيكون سريع كمان..لما نوصل لوزننا المثالي مع الطول ونستمر في فقد الوزن يبقي اول واهم حاجه نراجع بناكل كام كالوري وهل كافيين + نعمل تحاليل الغده الدرقيه لنستبعدها كسبب في فقد الوزن
لو كل ده تمام يبقي نقدر نزود من البروتين اليومي الي مره ونصف من الوزن بشرط ثبات مستوي السكر في المعدلات الطبيعيه

◄ طيب انا مع الحميه المزبوطه حرفيا و سكري مش مزبوط ؟

نبتدي ندخل ميتفورمين لو كنت مش عليه
لو كنت عليه نزود جرعته للحد المسموح بيه
لو وصلت لاقصي جرعه مسموحه يبقي لازم نبتدي انسولين حسب العلو في السكر امتي
◄ طيب انا اصلا كنت علي اماريل وجانوفيا و و و وسكري مش مزبوط نهائي والتراكمي بتاعي معدي 7 كل مره ولما بطلت وعملت حميه محصلش فرق ولسه ملخبط ؟

ادويه حضرتك لو السكر كان مش مزبوط عليها يبقي المشكله في المقام الاول ضعف انتاج انسولين اكثر منها نمط اكل واللي اكد ده هو لما بطلتهم وعدلت الاكل الامور لم تتغير او يمكن زادت سوءا كمان = خلاص محتاجين نبدا انسولين

◙ النصيحه الرابعه ◙

◄ طيب انا عايز اعرف بنكرياسي شغال ولا لأ؟

في تحليل اسمه سي بيبتايد بيتعمل صائم وفاطر مع سكر صائم وفاطر في نفس الوقتبنوقف قبله اي ادويه سكر قبلها بيوم كامل وبردو مع الفطار مانخدش دوا السكر ..الميتفورمين عليه خلاف يقف مع الادويه ام لا انا شخصيا لفضل يقف معاهم لانه بياثر علي تحليل السكر مش السي بيبتايد

قراءه اكثر عن السي بيبتايد هنا
https://www.edart-alsukkary.com/2018/03/c-peptide-test.html

◙ النصيحه الخامسه ◙

◄ طيب ليه اصلا عايزين ابطل الدوا اللي زابطني او اللي طبيبي الموثوق فيه كاتبه ليا ؟
رساله خالصه لسكري النوع الثاني واطبعوا الروابط وناقشوها مع اطبائكم ان اردتم
لكن صدقا بلاش تكونوا رقم احصائي لا قدر الله في قائمه مضاعفات مريره بسبب دواء آثاره الجانبيه خطيره و بلاش تكونوا معتمدين كليا علي الانسولين بسس خطء طبيبك في وصف ادويه تضر البنكرياس تعلموا وثقفوا انفسكم

◄ الناس اللي بتاخد ادويه محفزه لانتاج الانسولين ودي اسمها ادويه السالفونيل يوريا Sulfonylureas

أدوية السكري من النوع الثانى - تدقيق مفصل
https://www.edart-alsukkary.com/2018/04/Tye2DiabtesMedication-FullStudy.html

تعتبر اقدم ادويه معروفه في السكر،وهي تعمل علي حث البنكرياس علي افراز المزيد من الانسولين من خلايا بيتا مباشره للكبد عن طريق الوريد البابي وبذلك تعمل بكفاءه اكتر
هذه الفئه تزيد من العبء الواقع علي خلايا بيتا السليمه التي مازلت منتجه للأنسولين ،وتفقدها هذه القدره سريعا ونتحول للإعتماد الكلي علي الانسولين الخارجي في وقت أسرع
دائما بنحذر من انها بتقلل عمر بقاء البنكرياس منتج للانسولين وان كثره التحميل علي البنكرياس بانتاج انسولين غير موجه طول اليوم او لفتره معينه هي مده عمل القرص = تحميل زائد وان العقل والمنطق يقول ان ده = استهلاك اسرع لما تبقي سليم من خلايا منتجه للانسولين
ادي دراسه اكدت نفس الكلام لمن يحب الاطلاع
الدراسه المعنيه بسرعه تدهور خلايا بيتا عند البدء بهذا الخط العلاجي

http://www.ncbi.nlm.nih.gov/pubmed/22958196

◄ في حال ماكان البنكرياس مازال قادر علي إنتاج بعض من الانسولين..الوسيله الصحيحه والوحيده للتعامل مع السكري هي :

• تنظيم الأكل بتقليل الكربوهيدرات وتوزيعها علي مدار اليوم وجبات متقسمه أحسن من وجبات قليله كبيره الحجم
• إنقاص الوزن
• الرياضه
• بدأ ادويه الميتفورمين فقط

◄ لو شخص سكري والميتفورمين مش جايب نتيجة معاه او فقد فاعليته علي الرغم من تنظيم الاكل :

معني ان ميتفورمين مش يجيب نتيجه مع تنظيم اكل فعلي ان احنا كده خرجنا من دائره مشكله في مستقبلات الانسولين علي الخلايا و تحسين انتاجه الي مشكله ان فعلا كميه الانسولين اصبحت غير قادره علي اتمام وظيفتها

يبقي الانسولين هنا لتعويض النقص هو الحل وفي الغالب بيبدا انسولين قاعدي كخط اول علاجي لان النقص في الغالب بيكون فيه و نبداه جرعه ليليه ونقيمها حسب تحاليل الصائم وبين الوجبات

◄ تعويض النقص في انتاج الانسولين يكون حسب الحاله والتحاليل اليوميه :

يعني لو بنعلي من غير اكل سواء صائم او بين الوجبات يبقي نفكر في ادخال قاعدي

لو كويسين صائم وبين الوجبات لكن بعد الاكل بساعتين عاليين حتي مع كارب قليله وكمان مش من مصادر نشويه يبقي احنا محتاجين انسولين سريع

◄ عند البدء في اخذ جرعات انسولين والبنكرياس مازال منتج للانسولين :

الجرعات بتكون اقل كتير من شخص في نفس السن والوزن حتي لكن غير منتج للانسولين

لما خلايا بيتا بنفقدها كليا احنا فقدنا الانسولين بكل مراحله وفقدنا قدرتنا علي عمل الانسولين حسب سرعه هضم الاكل

محافظتنا علي انتاجيه انسولين يعني محافظتنا علي انتاجيه سي بيبتايد وده عامل بيحد كتير قوي من حدوث المضاعفات micro vascular او حدتها

◄ في ناس بتفضل تاخد عائله DPP-4 Inhibitors كمرحله في النص ودي عائله منوطه بعلاج ارتفاعات السكر ما بعد الاكل ... بس الصراحه بعد كل التحذيرات اللي في تواتر ملحوظ لان خلاص بانت مضاره مع كثره استخدامه يبقي ليس له اي معني علشان اخاف من حقنه ابقي عندي بلاوي تانيه خالص

الانسولين ليس له اي اثر جانبي الا الهبوط لو.جرعه غلط او زياده الوزن لو.نمط غذائنا او سكرنا مش مزبوط

الجانوفيا و عائله § DPP-4 Inhibitors §

تحذير جديد بخصوص الم المفاصل الحاد معه لدرجه انه ممكن يعيق الحركه ..دي اضافه غير ساره لتحذير قديم لا يقل خطوره من احتمالات نشاط سرطاني في البنكرياس و التهاب البنكرياس والجهاز التنفسي العلوي والحلق ومخاطر اخري

◄◄ تحذير عام :

من وكالة الغذاء والدواء الأمريكية بأنها تسبب ألم حاد في المفاصل

Table 1. List of FDA-approved DPP-4 inhibitors
Brand name Active ingredient(s)
Januvia sitagliptin
Janumet sitagliptin and metformin
Janumet XR sitagliptin and metformin extended release
Onglyza saxagliptin
Kombiglyze XR saxagliptin and metformin extended release
Tradjenta linagliptin
Glyxambi linagliptin and empagliflozin
Jentadueto linagliptin and metformin
Nesina alogliptin
Kazano alogliptin and metformin
Oseni alogliptin and pioglitazone

FDA Drug Safety Communication: FDA warns that DPP-4 inhibitors for type 2 diabetes may cause severe joint pain

http://www.fda.gov/Drugs/DrugSafety/ucm459579.htm

◄ ◄تحذير عام :

دراسات وجد فيها أن سواء بمراقبه المرضي علي قيد الحياه أو بتشريح من توفي منهم لأسباب غير معلومه ..أن نسبه حدوث إلتهاب البنكرياس مع هذه الفئه تزداد بصوره ملحوظه وبعد الحالات وجد فيها نشاط سرطاني أو ما قبل السرطاني في قناه البنكرياس ..هذه الفئه تشمل :-

exenatide (Byetta, Bydureon)
liraglutide (Victoza)
sitagliptin (Januvia, Janumet, Janumet XR, Juvisync)
saxagliptin (Onglyza, Kombiglyze XR)
alogliptin (Nesina, Kazano, Oseni)
linagliptin (Tradjenta, Jentadueto)
FDA Drug Safety Communication: FDA investigating reports of possible increased risk of pancreatitis and pre-cancerous findings of the pancreas from incretin mimetic drugs for type 2 diabetes

◙ ◙ ◙
اقرأوا جيدا ..انتم الان علمتم ومسؤولون عن القرار السليم
◙ ◙ ◙

نشكركم علي حسن متابعتكم - لا تنسي الأعجاب بصفحات مواقع التواصل الأجتماعي الخاصة بالموقع، لتصلكم أخر الأخبار السكرى - المقالات - الأرشادات أولاً بأول من موقعك

Comments